Митови за нега на кожата на лицето во кои треба да престанете да верувате

Мит 4: Само скапите продукти против брчки се ефикасни

Многу се поважни состојките во еден продукт, отколку брендот или неговата цена. Нормално, можеби поскапите брендови инвестираат повеќе во истражувања и користат подобри технологии, но бидејќи сечија кожа е различна, не значи дека скапите продукти ќе бидат ефикасни и за вас.

Кога купувате продукт против брчки, истражете кои се состојките што вам ќе ви бидат од корист, па така одберете што е најдобро за вас.

Мит 5: Морате да користите многу продукти за да ги избегнете/намалите брчките

Воопшто нема потреба да користите 3-4 кремови и неколку гелови за миење за да имате совршена кожа. Според експертите, сосема доволно е да купите нежно средство за миење лице, пилинг, хидратантен крем според типот и потребите на вашата кожа и, нормално, крем со заштитен фактор поголем од 30.

Мит 6: Ако сте млади, не треба да користите скоро никакви продукти

Многу полесно е да ја избегнете појавата на брчки, отколку подоцна да се обидувате да ги измазните. Препорачливо е да почнете со редовна нега на кожата на лицето уште во вашите 20-ти. Можеби на оваа возраст не ви требаат кремови за измазнување брчки, но дефинитивно треба да користите заштита од сонце и хидратантен крем.

Мит 7: Ако имате потемна кожа, не ви треба заштита сонце

Без разлика колку е темна вашата кожа, морате да ја заштитите од штетните ултравиолетови зраци. Можеби на вашата кожа скоро никогаш не се појавуваат изгореници од сонце, но ако не ја заштитите кожата, кога-тогаш ќе се соочите со последици како, на пример, брчки.

Спирова С. | Црнобело