Храбри девојки и жени откриваат: „Кога и зошто одлучив да престанам да ја фарбам белата коса?“

„Ја фарбав косата скоро 24 години откако наполнив 16 и ми се појави првото бело влакно. Одржувањето не ми беше воопшто лесно. Но, побарав инспирација на Инстаграм и сега ја немам офарбано косата 9 месеци. Иако некогаш се фрустрирам поради белите влакна, се чувствувам послободно и драго ми е што не сум толку опседната со косата“.

„Поминаа скоро три години откако престанав да се фарбам и многу сум радосна за тоа. Секојпат кога одам на фризер добивам комплименти за мојата природна боја, а кога сум излезена многу жени кои сакаат да престанат да се фарбаат ме прашуваат за мојата коса. Горда сум на сите жени што се прифатиле такви какви што се“.

„Со белата коса се чувствувам послободно и го покажувам моето вистинско јас. Јас сум убава. Јас сум жена која старее грациозно. Со тоа што се сакам себеси и сум своја, им помагам и на другите девојки и жени да го направат тоа“.

„Пред речиси три години одлучив да престанам да се фарбам. Се погледнав во огледало и се запрашав што ќе се случи ако престанам да се фарбам. Прво не можев да се помирам со помислата дека ќе изгледам ’постаро‘. Но штом ми порасна косата, ја засакав. Сега имам и повеќе самодоверба од претходно“.

„Бев навистина емотивна кога решив да престанам да се фарбам. Тогаш дури и се расплакав во фризерскиот салон. Неверојатно е колку самодовербата може да зависи од вашата коса. Сега сето тоа ми е смешно и знам дека допрва ме чека вистинска среќа“.

Спирова С. | Црнобело