Како парфемот да ви трае подолго во топлите летни денови?

Во лето, кога температурите се високи, парфемите испаруваат побрзо, па дури и да сте платиле мало богатство за нив, по час-два нивниот мирис може да „исчезне“.

За среќа, има решение и за овој проблем. Елизабет Ричардс е експерт за парфеми, а за Daily Mail сподели неколку совети со кои вашиот парфем ќе трае подолго дури и во лето.

Погледнете што вели Елизабет на оваа тема:

Прво ставете лосион за тело

Елизабет вели дека ако сакате парфемот да ви трае подолго, треба да лосион со ист мирис. Прво нанесете го лосионот, а потоа врз него ставете од парфемот.

Според Елизабет, ова е таканаречено слоевито нанесување на парфемот, а освен лосион, можете да правите комбинации и со гел за туширање и слично, дури и со различни мириси.

„Секој парфем си има разни карактеристики, а кога ќе направите комбинација од повеќе мириси ќе создаде ваша лична арома. Аромите како нане, босилек, портокал и цитрусни овошја се синоним за летото, па се совршени за да ги комбинирате и да ги нанесувате слоевито“.

Нанесете го парфемот на повеќе места

Ако го нанесете парфемот на повеќе делови од телото, како лакти, стомак и зглобови, тој ќе трае подолго во летните денови.

„Во лето, поради топлината, парфемот испарува побрзо, па препорачувам да го нанесете на лактите, зад колената, па дури и на стомакот. На овој начин ќе трае подолго бидејќи овие делови од телото не се многу изложени на сонце“.

Елизабет вели дека слободно можете да го нанесете парфемот и на косата:

„Откако ќе ја измиете косата, додека е влажна, нанесете од парфемот на врвовите“.

Чувајте го парфемот во фрижидер

Елизабет препорачува да го чувате парфемот на суво и студено место, па дури и во фрижидерот. На овој начин ќе му го продолжите рокот на траење.

Хидрирајте ја кожата

Ако сакате парфемот да трае подолго, не ја заборавајте хидратацијата на кожата.

„Туширањето ја хидрира кожата, а кога ќе нанесете и лосион за тело, создавате одлична основа за вашиот парфем“.

Немојте да ги триете зглобовите откако ќе ставите парфем

Поради некоја причина, скоро сите настојуваме да ги истриеме зглобовите еден од друг откако ќе ставиме парфем. Но, со триењето се создава топлина, па парфемот може да испари побрзо. Истовремено, Елизабет вели дека ова триење може да ја промени аромата.

„Триењето и топлината можат да влијаат врз нотите на парфемот и да го променат мирисот. Исто така, со триењето парфемот ќе се измеша со природните масла од вашата кожа, а и ова може да влијае врз мирисот. Што значи, најдобро е само да го нанесете парфемот и да го оставите да се впие во кожата“.

Спирова С. | Црнобело