6 тајни на Французинките за негувана „порцеланска“ кожа и по 40-тата година

Французинките не само што нанесуваат крем со заштитен фактор кога излегуваат на сонце, туку и целосно го кријат лицето од штетните ултравиолетови зраци со шешири.

Ништо не се споредува со елеганцијата на Французинките – дури и во најопуштено издание, тие изгледаат беспрекорно, а нивната тајна е негата што ја водат за себе.

Французинките го негуваат природниот изглед, па обрнуваат многу внимание на негата на кожата. Поради ова, неретко имаат мека порцеланска кожа дури и по 40-тата година од животот.

Но кои се нивните тајни?

Ја кријат кожата од сонце

За да ја заштитат кожата од штетните ултравиолетови зраци, Французинките не го напуштаат домот без крем со заштитен фактор.

Но покрај тоа, тие пробуваат и целосно да го заштитат лицето од сонце со шешир, особено во летните денови кога ултравиолетовото зрачењето е најизразено.

Користат навлажнувачи на воздух

Во зима, воздухот во домот лесно се суши поради грејните тела. Ова може да се одрази и на кожата, особено на лицето, и да ја направи многу сува.

Едноставно решение за ова е навлажнувачот за воздух.

Редовно прават пилинг на целото тело и користат хидратантни кремови

Важно е да обрнувате внимание на кожата на целото тело, а не само на лицето.

Пилингот на кожа со четка не само што ќе ги отстрани мртвите клетки, туку и ќе ја подобри циркулацијата на крвта, со тоа давајќи ѝ посебна свежина. Доволно е да правите пилинг со четка еднаш-двапати неделно.

По секое туширање, пак, осигурете се дека ќе нанесете лосион за тело.

Ја спречуваат појавата на брчките

Наместо да чекаат да им се појават брчки па да почнат да користат креми и да се обидуваат да ги намалат, Французинките ги користат овие креми превентивно.

Сепак, многу полесно е да ја спречите појавата на брчки со добра нега, отколку потоа да пробувате да ги отстраните.

Ја отстрануваат шминката со мицеларна вода

Морате да ја отстранувате шминката секој ден, некогаш и неколкупати, а честото миење на лицето со средства може да ја исуши кожата.

Затоа, мицеларната вода е одлично решение бидејќи темелно ја отстранува шминката, а притоа не ја суши кожата и ја прави мека.

Се тушираат со сапун наместо шампон

Уште подобро ако си купите сапун со природни состојки и масла кои ја негуваат кожата.

Французинките преферираат сапуни за туширање бидејќи во нив има помалку состојки и помалку ја иритираат кожата.

Спирова С. | Црнобело