Коректор, руменило, маскара – како да ги одберете најдобрите шминки за вас?

Ако честопати не можете да одлучите која пудра или која маскара е најдобра за вас, сигурно ќе ви се најдат овие совети.

Денес постојат толку многу видови шминки, што некогаш е тешко да го најдете вистинскиот продукт.

Без разлика дали станува збор за пудра, коректор, маскара или сенка за очи, лесно можете да се „изгубите“ поради огромниот избор.

Ако честопати сте во ваква ситуација, тогаш сигурно ќе ви се најдат следниве совети за купување шминки:

Камена пудра

Кога купувате камена пудра, мора да земете предвид со каква течна пудра ќе ја комбинирате. Односно, камената и течната пудра треба да имаат иста нијанса.

Ако, пак, планирате да нанесувате само камена пудра, осигурете се дека ќе има нијанса како кожата на вратот, а не лицето - во спротивно разликата помеѓу вратот и лицето ќе биде уште поизразена. 

Течна пудра

Кога купувате течна пудра, треба да земете предвид две работи:

Типот на вашата кожа: Ако имате мрсна кожа, пудрата со мат финиш ќе биде многу подобар избор. Ако вашата кожа е сува, можете да купите и „помрсна“ пудра.

Бојата на вашата кожа: Ова, секако е очигледно, но важно е на кој дел од телото ја тестирате пудрата. Немојте да го правите тоа на дланката, бидејќи неретко дланките и лицето немаат иста нијанса. Наместо тоа, пробајте ја пудрата директно на лицето или барем на вратот.

Коректор

И во овој случај треба да обрнете внимание на типот на кожата, односно дали е мрсна, сува или комбинирана.

Ако имате сува кожа, најдобро е да користите течен коректор. За мрсна кожа препорачливо е да купите коректор во стик кој не е мрсен колку течниот.

Исто така, важно е да размислите и за што ќе го користите коректорот – дали за акни и мозолчиња или за подочници.

Односно, пред да го купите, тестирајте дали коректорот што сте го одбрале ќе ги покрие мозолчињата или подочниците.

Руменило

Како и повеќето продукти на листата, и за нијансата на руменилото важна е бојата на вашата кожа.

За девојки со светла кожа најдобри се нијансите со боја на праска, додека руменилото со бронзена нијанса изгледа подобро на потемна кожа.

Секако, обрнете внимание и на типот на кожа – руменилото во прав е добар избор за мрсна кожа, а кремастото за сува.

Уште четири совети на следната страница...