Коректор, руменило, маскара – како да ги одберете најдобрите шминки за вас?

Хајлајтер

Кога станува збор за типот на кожата, овде важи истото правило како и за руменилото – хајлајтер во прав за мрсна кожа, а кремаст хајлајтер за сува.

Кога ја одбирате нијансата, имајте предвид дека хајлајтерот треба да биде посветол од бојата на вашата кожа, но да не создава многу воочлив контраст.

Сенка за очи

Со сенките за очи имате поголема слобода за разлика од другите шминки, но добро би било да обрнете внимание на некои работи:

Пигментација: Проверете дали сенката за очи се познава добро на кожата – ако е бледа, подобро најдете друг бренд.

Алергиски реакции: Сечија кожа е различна, па најдобро пробајте ја сенката за очи на раката и почекајте 24 часа пред да ја купите.

Ако забележите црвенило, чешање или слично, подобро одберете друг бренд. Имајте на ум дека ова не значи дека сенките не се квалитетни туку, едноставно, не се погодни за вашата кожа.

Рок на траење: Секогаш проверувајте го рокот на траење за да ги избегнете алергиските реакции, но и да бидете сигурни дека сенката ќе има добра пигментација.

Исто така, бидејќи сенките ги користиме подолго време - некогаш повеќе и од година - осигурете се дека рокот на траење не завршува по само неколку месеци. 

Туш и молив за очи

Денес постојат разни типови на тушеви за очи што задоволуваат сечии потреби.

Најпрво треба да земете предвид колку сте прецизни со тушот или ајлајнерот. Ако ви оди потешко, подобро купете молив за очи (ајлајнер). Ако сте експерт за шминкање, подобро купете течен туш.

Имајте на ум и дека во лето е подобро да користите водоотпорен ајлајнер или туш кој нема да се размачка од потењето.

Маскара

За да ја одберете вистинската маскара, треба да знаете што сакате да постигнете со неа:

Извиткување на трепките: Ако имате долги, но прави трепки, купете маскара со малку искривена четка со која полесно ќе ги извикате.

Поголем волумен: За побујни трепки, купете маскара со погуста четка.

Дефинирање: Ако сакате само да ги истакнете вашите трепки, маскарата со гумена и поретка четка е најдобриот избор.

Спирова С. | Црнобело