10 чести грешки со кои ја уништувате кожата на дланките

Не ставате крем со заштитен фактор на рацете, користите сапуни што ја сушат кожата и ја запоставувате негата на ноктите.

Сигурни сме дека водите одлична грижа за кожата на лицето, но сигурни сме и дека неретко ги запоставувате вашите дланки.

Знаевте ли дека дланките се можеби најголемиот показател на возраста? А, ако не ги негувате правилно, можат да изгледаат и „постаро“.

Сепак, дланките се дел од телото што го користиме најмногу, па важно е да ги негуваме.

Кои се најчестите грешки со кои ги уништувате вашите дланки?

Не ставате крем навечер

Ако сте како повеќето, веројатно ставате крем за раце кога ќе забележите дека кожата ви е сува.

Ова е сосема во ред, но важно е да ставате крем и навечер, пред спиење, особено во зимските месеци кога кожата се суши многу повеќе.

Ако имате многу суви раце, можете да ставите и многу мрсен крем, дури и вазелин, па да си легнете со ракавици.

Ги сечете кутикулите

Кога ги сечете кутикулите, голема е веројатноста дека ќе си направите и рана. Оваа рана не само што ќе биде болна, туку и ќе го зголеми ризикот од разни инфекции.

Не заборавајте дека рацете ги користиме постојано, што значи на нив има и многу бактерии. А, кога имате рана на нив, бактериите лесно можат да навлезат внатре.

Наместо да ги сечете, користете дрвено или метално стапче со кое само ќе ги потиснете кутикулите кон внатре.

Не нанесувате крем со заштитен фактор

Сончевите зраци можат да предизвикаат штета и на кожата на дланките.

Ако не нанесувате крем со заштитен фактор, ќе го забрзате процесот на стареење и ќе го зголемите ризикот од појава на дамки.

Не носите ракавици кога чистите

Силните хемикалии во средствата за чистење се штетни за кожата. Всушност, и на повеќето амбалажи на овие средства е нагласено да не се користат без ракавици.

Препорачливо е да носете ракавици и кога миете садови.

Ја запоставувате негата на ноктите

Нема потреба да ставате вештачки нокти ниту да ги лакирате вашите ако не го сакате тоа. Но, не треба целосно да ги запоставите ноктите бидејќи имаат огромно влијание врз изгледот на вашите дланки.

Ушт пет грешки на следната страница...