12 правила за шминкање што треба да ги практикуваат дамите во петтата деценија

Користете крема за очи

Повеќето жени биле изложени на загаден воздух, сонце, екрани... Сето тоа всушност ја уништува текстурата на кожата околу очите.

Пред да нанесете коректор под очите, прво третирајте ја областа со хидратантна крема.

Изберете совршена боја на кармин

Дефиницијата, обликот и волуменот на усните полека се губат со годините, па затоа треба да изберете кармин кој умерено ќе ги нагласи.

Најдобро е да го споредите карминот со бојата на јазикот, непцата и усните. Некаде помеѓу тие три, ќе ја најдете вашата идеална боја на кармин.

Правилно нанесете руменило

Многу жени нанесуваат темно руменило или бронзер под јаболчниците со надеж дека ќе му дадат поголема дефиниција на своето лице. Сепак, овој обид за обликување често изгледа неприродно.

За да ја изберете вистинската нијанса на руменило, штипнете ги образите и внимавајте на бојата што се појавува; тоа е бојата на руменилото што треба да ја купите.

Нацртајте ги веѓите

Како што старееме, веѓите стануваат потенки поради природното опаѓање на косата, па нивното полнење е апсолутно неопходно.

Веѓите треба да бидат полни и обликувани, а на овој начин ќе изгледате неколку години помлади. За ова може да се обратите кај професионалец.

Избегнувајте сјајна шминка

Првите неколку часа сјајот изгледа убаво, но подоцна се таложи во брчките. Сјајната шминка, особено на очите, го фокусира вниманието на секоја тенка линија на лицето, па затоа е препорачливо да ги избегнувате.

Изберете ја идеалната нијанса на молив за веѓи

Кога ги пополнувате веѓите, не земајте само случајна кафена боја што изгледа доволно неутрална. Одберете ја бојата која совршено ќе ви одговара, а во тоа можат да ви помогнат експертите кои работат во продавниците за убавина.

Мила М. | Црнобело