Влакната стануваат погусти и уште 9 митови за бричењето кои не се воопшто точни

Бричењето нема да ги проретчи влакната како депилацијата, но нема ни да ги направи потемни или подебели.

Иако резултатите не траат долго, бричењето е брз и безболен начин за отстранување на влакната.

Дали бидејќи се во брзање или, едноставно, не сакаат да трпат болка од депилација, голем дел од девојките и жените ги отстрануваат влакната со бричење.

Но, бидејќи станува збор за мошне популарен третман за отстранување влакна, нормално е да има и разни митови во врска со него.

Во кои митови за бричењето не треба да верувате?

Мит 1: По бричење, влакната растат потемни и подебели

Густината, бојата и дебелината на влакната зависи од неколку фактори, како вашите гени и хормоните во телото.

Но, бричењето нема никакво влијание врз овие карактеристики. Односно, самото бричење не може да ги направи влакната подебели или потемни или погусти.

Бричењето не може да создаде нови фоликули на кожата, ниту да ја смени структурата на влакната која зависи од вашите гени. 

Влакната само изгледаат подебели бидејќи со бричот го отстранувате нивниот врв кој е потенок, па се гледа средниот, подебел дел.

Мит 2: Полесно е да се исечете со остар брич, отколку со тап

Ова не е воопшто точно. Додека со новиот, остар брич лесно ќе ги отстраните влакната со еден потег, ако жилетот е тап, ќе треба да користите поголем притисок.

А, токму ова го зголемува ризикот од сечење.

Мит 3: Треба да притиснете за подобри резултати

Ако многу ја притискате кожата со бричот, нема да видите подобри резултати, туку само го зголемувате ризикот да се пресечете.

Ако бричот е остар, доволно е да поминете по површината на кожата со минимален притисок.

Мит 4: Секојдневното бричење е лошо за кожата

Освен ако немате многу чувствителна кожа, секојдневното бричење нема да ви предизвика никакви проблеми.

Единствено треба да користите некаков крем или пена за бричење за да го намалите ризикот од иритации.

Мит 5: Ако одите на некаков настан, избричете се еден ден претходно

По бричењето, влакната почнуваат да растат уште следниот ден.

Што значи, ако утре имате важен настан, а се избричите денес, до утре веќе ќе чувствувате боцкање.

Па, слободно избричете ги нозете на денот на настанот.

Уште пет митови на следната страница...