Трикови за фризура кои славните дами ги користат за да ги прикријат „несовршеностите“ на лицето

Ако имате истакната вилица како на Анџелина Џоли, пуштената брановидна коса ќе ви стои одлично. Каква фризура е идеална за вас ако имате дупла брада или друга карактеристика која сакате да ја прикриете? 

Сите имаме по некоја карактеристика на лицето која не ни се допаѓа и сакаме да ја скриеме.

Важно е да бидете свесни дека овие карактеристики не се недостатоци и не треба да ги гледате како такви, бидејќи е сосема нормално да немате совршени пропорции на ликот. 

Но, од друга страна, нормално е да сакате да прикриете некои делови од лицето, а да истакнете други.

Како да ги истакнете омилените, а да ги скриете карактеристиките што не ви се допаѓаат со помош на фризура?

Мало растојание помеѓу очите

Малото растојание помеѓу очите, како кај Џенифер Анистон, доаѓа до израз со фризури кои го откриваат целото лице.

Пуштената коса, од друга страна, прави лицето да изгледа подолго и потесно, па го одвлекува вниманието од растојанието помеѓу очите.

Истакната вилица

Жените и девојките со лице со форма на квадрат, како Анџелина Џоли, имаат поистакната вилица.

Во овој случај пуштената коса со поголем волумен може да создаде илузија на потркалезно лице.

Темни кругови под очите

За да ги направите темните кругови помалку видливи, важна е бојата на косата.

Ако имате светла кожа, а косата ви е темна, ќе се создаде контраст кој ќе ги истакне подочниците.

Косата со светла боја го има спротивниот ефект.

Високо чело

Кратките шишки се наједноставниот начин да го направите челото визуелно помало.

Но, ако не сакате кратки шишки, истото можете да го постигнете и со фризура со долги шишки и страничен патец.

Продолжува на следната страница...