Природни состојки за убавина што ги користат жените од Блискиот Исток (и вреди да ги пробате)

Знаевте ли дека можете да користите кана наместо фарба за коса или етерично масло наместо парфем?

Жените од Блискиот Исток се едни од најубавите. А, покрај гените, за ова заслужни се и нивните третмани за убавина.

Овие жени до денес преферираат да користат поприродни состојки кои можат да имаат одличен ефект.

Неколку природни состојки за убавина што им се омилени на жените од Блискиот Исток:

Кана наместо фарба за коса

Каната е растителна боја со црвенкаста нијанса, а жените од Блискиот Исток честопати ја користат за фарбање коса.

Ако сакате темнокафеава коса со црвенкаст сјај, можете да пробате кана.

Секако, каната нема ист интензитет како фарбите за коса и избледува побрзо, но ако сакате природна алтернатива за фарба, нема подобра.

Мед како маска за лице

Медот е богат со состојки кои ѝ годат на кожата, а може да биде одличен за луѓе со акни или проблеми со кожата како егзема и псоријаза.

Исто така, медот има антибактериски својства и ја забрзува регенерацијата на клетките.

На лицето можете да ставите само мед, но и онлајн да најдете многу рецепти за домашни маски со други состојки. Сепак, бидете внимателни, не знаете како вашето лице реагира. 

Нане како третман против акни

Листовите на нането содржат салицилна киселина и витамин А – состојки кои можат да го намалат лачењето масти на лицето.

Истовремено, антибактериските и антигабичните својства на нането ги намалуваат воспаленијата од акните.

За ваков третман ќе ви требаат свежи листови нане кои треба да ги издробите. Потоа ставете малку од смесата директно на акните, оставете да делува 10-тина минути, па исплакнете со студена вода.

Препорачливо е прво да направите тест, односно ставете малку од смесата на кожата на вратот за да проверите дали ќе ви се појави некаква алергиска реакција.

Млеко или јогурт за зајакнување на косата

Млекото и јогуртот можат да бидат одлични состојки за нега на коса.

Протеините и липидите во нив ја зајакнуваат косата, додека калциумот го поттикнува растењето и го спречува паѓањето на косата.

Пред да ја измиете косата, измасирајте го скалпот со малку млеко или јогурт. Потоа темелно измијте ја косата.

Продолжува на следната страница...