Природни состојки за убавина што ги користат жените од Блискиот Исток (и вреди да ги пробате)

Маслиново масло за кожа, коса и нокти

Маслиновото масло со векови се користи како продукт за убавина.

Тоа може да ја омекне кожата и да ги зајакне ноктите и косата.

Можете да си направите пилинг за тело со маслиново масло и шеќер со кој ќе ги отстраните мртвите клетки и ќе ја омекнете кожата.

Исто така, можете да го нанесете на косата околу еден час пред да ја измиете, а можете и да ги намачкате кутикулите и ноктите и да почекате да се впие.

Морска сол за педикир

Морската сол може да ви помогне да ја омекнете тврдата кожа на стапалата, но и на лактите.

Направете смеса за пилинг со маслиново масло и крупна морска сол, истријте ги проблематичните места, и исплакнете со вода.

Маска од компир за лице

Компирот содржи витамин Ц и жените од Блискиот Исток веруваат дека може да го изденачи тенот на кожата, но и да ја намали појавата на акни.

За да си направите маска, изрендајте жив компир и ставете го на лицето. Можете да додадете и малку јогурт.

Оставете ја маската да делува неколку минути, па добро исплакнете.

Етерични масла наместо парфеми

Наместо парфем, жените од Блискиот Исток неретко користат етерични масла.

Доволно е да нанесете од омиленото масло неколку капки на вратот и внатрешниот дел од зглобот на дланката.

Спирова С. | Црнобело