Пазуви, колена: Делови од телото што несвесно ги запоставуваме (и треба подобро да ги негуваме)

Кожата на лактите и колената се суши полесно, па важно е редовно да ѝ правите пилинг и да ставате лосион или хидратантен крем.

Без разлика колку добра грижа водите за себе, голема е веројатноста да заборавате некои делови од телото.

Лактите, кожата околу очите и пазувите се едни од најзапоставените делови, но токму нив треба да им обрнуваме дури и повеќе внимание.

Како да водите подобра грижа за деловите од телото кои обично ги запоставуваме?

Лакти

Лактите се дел од телото што најчесто го запоставуваме.

Но, на лактите им треба поголема нега – ова е област каде што лесно се таложат мртви клетки, а поради честото триење, кожата дополнително се оштетува и може да стане темна и сува.

Препорачливо е да правите пилинг на лактите еднаш неделно. 

Доколку имате темна кожа на лактите, двапати дневно ставајте зелен чај со памук. И гелот од алое вера може дa ви помогне во ова, но и дополнително да ја хидрира кожата.

Исто така, можете да пробате да ги триете лактите со парче лимон за пилинг и осветлување на кожата.

Усни

Треба редовно да правите пилинг на усните – околу еднаш неделно – но и да ја одржувате нивната влажност.

Исто така, не заборавајте дека усните се постојано изложени на штетните сончеви зраци, па не заборавајте да ги заштитите со фактор.

Кожата околу очите

Кожата околу очите е малку поразлична од кожата на лицето.

Оваа област е многу нежна и склона кон иритации, а можат да се појават темни кругови, како и отекување.

Најпрво, важно е да ја отстранувате шминката од очите кога ќе си дојдете дома и двапати дневно да ставате хидратантен крем.

Можете да ја намалите појавата на брчки во оваа област со кремови и серуми со ретинол.

За темните кругови пробајте кремови и серуми со витамин Ц, додека отоците можете да ги намалите со облоги со вреќички чај.

Пазуви

Кожата под пазувите е склона кон секакви проблеми поради зголемената влага, па важно е да водите доба грижа за неа.

Најпрво, потрудете се секој ден да ги миете пазувите. Притоа, добро истријте ги за да ги отстраните остатоците од антиперспирантот.

Ако ги бричете влакната, секогаш користете остар брич за да го намалите ризикот од иритации.

Доколку не ги бричите, препорачливо е малку да ги скратувате на секои недела-две.

Пред да нанесете антиперспирант, осигурете се дека кожата ќе биде сува.

Врат и деколте

Вратот и деколтето се области кои можеби први ги покажуваат знаците на стареење. Што значи, никако не треба да ги запоставите.

Кога правите пилинг на лицето, направете и на вратот и деколтето. Кога ставате хидратантен крем, нанесете го и на овие области.

Колена

Кожата на колената е слична како кожата на лактите.

Препорачливо е еднаш неделно да направите пилинг на оваа област и редовно да ставате лосион.

Ако имате многу сува кожа, можете да ставите и вазелин или кремови со витамин Ц и Е.

Зглобови на дланките

Кожата на зглобовите побрзо ја губи еластичноста бидејќи е потенка и деликатна. Па, важно е да водите добра грижа за неа.

Кремовите за раце можат да ви бидат од голема помош, но не заборавајте да ставите и крем со заштитен фактор.

Во зима, пак, носете ракавици за да ја заштитите кожата со студот.

Спирова С. | Црнобело