Што е салицилна киселина и како помага при намалувањето на акните?

Салицилна киселина може да навлезе длабоко во вашата кожа за да ја заврши својата работа. Оваа карактеристика е токму она што ја прави толку моќна состојка за третирање акни, но и лузни од акни.

Штом ќе навлезе во кожата, салицилната киселина ги „убива“ остатоците од кожата што ги затвараат порите, делува како антивоспалително средство, а исто така помага и со мозолчиња и акни.

Оваа киселина го контролира вишокот себум, а може да третира и себороичен дерматитис: состојба на кожата/скалпот слична на првут, која се карактеризира со чешање и мрсна кожа, како и лупење на кожата.

Кога користите салицилна киселина или други третмани за акни, може да бидат потребни 6-8 недели за да почнете да забележувате резултати. Секој кој нема да види подобрување на акните или лузните од акни по ова време, треба да контактира лекар или дерматолог за совет за алтернативни опции и нов третман.

Сепак, доколку имате сериозен проблем со акни, најдобро е прво да се консултирате со дерматолог пред да пробате продукти со салицилна киселина.

Начин на употреба

Постои салицилна киселина со различна јачина, а ако сте почетници треба да започнете со најслабата. Најчесто се користи како серум.

0,5% до 2% - Следете ги упатствата кои наведуваат дали да се измиете или да оставите да делува одредено време. Првично се нанесува еднаш дневно, а потоа постепено зголемувајте ги апликациите на 2-3 пати на ден. Ако се појави прекумерна сувост или лупење, намалете го нанесувањето на секој втор ден.

До 50% - Само обучен дерматолог треба да ја спроведе процедурата.

Ако користите салицилна киселина со години и не ви ја иритира кожата, можете да пробате производ со салицилна киселина што не се мие (максимална јачина до 2% без рецепт од дерматолог) околу областите склони кон акни, но избегнувајте да го ставате на кожата околу очите.

Ако почнувате со салицилна киселина, користете концентрација од 1%, но ако сте користеле салицилна киселина (во облици за измивање), тогаш концентрацијата од 2% ќе ви помогне.

Несакани ефекти

Салицилна киселина може да предизвика некои несакани ефекти. Тие може да варираат во зависност од типот на кожата на лицето или концентрацијата.

Несаканите ефекти може да вклучуваат:

• благо пецкање
• лупење на кожата
• блага иритација
• сувост

Мерки на претпазливост

Американската администрација за храна и лекови (FDA) ги споделува следните мерки на претпазливост:

• Тестирајте го секој производ што содржи салицилна киселина на мала површина на кожата пред да го нанесете производот послободно. Не користете го производот ако се развие реакција на местото каде што сте тестирале.
• Следете ги внимателно упатствата на етикетата на производот.
• Избегнувајте да користите повеќе од препорачаната количина.
• Избегнувајте да го нанесувате производот во повисоки дози или почесто отколку што е наведено.
• Избегнувајте да користите производи со салицина киселина за бебиња и деца.
• Секогаш заштитувајте ја кожата од сонце кога користите производи со оваа киселина.
• Избегнувајте контакт со очите, устата или слузокожа, како внатре во носот или устата.
• Избегнувајте какви било други лекови кои содржат салицилна киселина додека ја користите. Примери за такви лекови вклучуваат аспирин.

M. Г. | Црнобело / фото: freepik.com