Чести симптоми на АДХД – Како да познаете дали вашето дете го има нарушувањето?

Детето покажува хиперфокус за некои работи

Иако еден од симптомите на АДХД е проблем со концентрацијата, децата со нарушувањето некогаш се хиперфоксуирани на некоја активност.

Односно, можат со часови да се фокусирани на само една задача и целосно да се исклучат од нивното опкружување.

Овој хиперфокус обично се јавува кога прават нешто што им е навистина интересно.

Детето често е анксиозно и депресивно и покажува слаб успех на училиште

Анализа на истражувања од 2017 година покажала дека менталните нарушувања и проблемите со учењето се почести кај децата со АДХД.

Па, ако детето често ви изгледа дека е под стрес или покажува знаци на депресија, можно е да го има нарушувањето.

Истото важи и ако покажува мошне слаб успех на училиште и тешко му е да учи.

Има проблеми со концентрација

На некои деца со АДХД им е особено тешко да се фокусираат на една работа, а и тешко им е да следат инструкции.

Неретко забораваат или губат предмети, изгледаат неорганизирано и тешко им е да завршат некои обврски, како да напишат домашна.

Детето е импулсивно

Во некои случаи, еден од симптомите на АДХД е и импулсивното однесување.

Односно, детето не размислува пред да направи нешто, тешко му е да седи на едно место, тешко му е да се контролира…

Можно е да биде и хиперактивно, да зборува многу брзо и слично.

Спирова С. | Црнобело