Вие прашувате, психолог одговара: „Сестра ми почина, како да разговарам со внукот на оваа тема?“

На прашањата од нашите читатели одговара лиценциран психолог/терапевт.

Прашањата за психолозите може да ни ги испраќате на нашиот мејл Оваа е-адреса е заштитена од спамботови. Треба да ви е овозможено JavaScript за да ја видите. – истите треба да бидат концизни и со кирилична поддршка.

Прашање од читател:

„Сестра ми почина пред 10 дена, како да разговарам со внукот на оваа тема? Како да се соопшти смрт во семејството на мали деца? Како да се справиме со истото понатаму во животот?“

Одговор од психолог, Катерина Крстевска Ристески:

Смртта е тема со која сите се соочуваме во одреден период од животот. Не е лесно да се соопшти ваква вест дури и на возрасен, уште потешко е кога се работи за дете и кога и самите поминуваме низ процесот на тагување.

Во зависност од возраста, можете да побарате некоја приказна, анимиран или игран филм за деца кои ја обработува оваа тема, a потоа да разговарате за тоа што се случува во приказната/филмот.

Обидете се да најдете заедничка врска со вашата ситуација. Прашајте го детето кои чувства се јавуваат кај него, препознајте ги и дајте ми важност. Кажете му дека е во ред да го чувствува тоа што го чувствува.

Поддржете го искажувањето на емоции без разлика за која емоција се работи. Споделете со него како вие се чувствувате и поминете низ процесот заедно.

Во вакви ситуации секогаш е добро да посетите психолог кој ќе ви помогне и ќе ве води низ целиот процес.

Консултирајте се со стручниот тим во градинка и побарајте нивна помош и поддршка во целиот процес.

Побарајте бесплатна консултација или закажете сесија со Катерина Крстевска Ристески, дипл. психолог ТУКА.

Разговарајте со лиценциран психолог и надминете ги предизвиците.

©CRNOBELO.com Забрането преземање и копирање. Крадењето на авторски текстови е казниво со закон.

фото: приватна архива / depositphotos.com