Варичела (или овчи сипаници): Колку време трае болеста и што треба да избегнуваат заразените?

Дали смеете да се туширате додека имате овчи сипаници (или варичела), колку време трае периодот на инкубација и кај која група на луѓе може да предизвика компликации?

varichela-ili-ovchi-sipanici-kolku-vreme-trae-bolesta-i-shto-treba-da-izbegnuvaat-zarazenite-01.jpg

Варичела или овчи сипаници е една од најчестите детски болести. 

Станува збор за доста заразна болест предизвикана од варичела зостер вирусот од фамилијата на херпес вирусите.

Со оглед на тоа дека се пренесува многу лесно, преку капки, плунка и секрет од носот, кај децата во предучилишна и училишна возраст кои често престојуваат во групи, доаѓа до заразување.

Крупната, или меѓу луѓето позната како овча сипаница, е препознатлива по чешањето и осипот на кожата, кои често се придружени со зголемена температура и малаксаност.

Пред да се појават осипот и температурата, може да се јават главоболка и повраќање.

varichela-kako-se-lechi-kolku-vreme-trae-inkubacijata-i-shto-treba-da-izbegnuvaat-zarazenite-03.jpg 

Инкубацијата зависи од повеќе фактори, но во просек изнесува од 14 до 18 дена

Детето не е заразно при јавување на симптомите.

Инфекцијата се пренесува неколку дена пред појавата на осипот, како и сѐ додека излегуваат нови црвенила.

Кога сите сипаници ќе се исушат, можноста за зараза се намалува.

Заразените треба да бидат во изолација, да мируваат и да избегнуваат престој на сонце и физички напор.

varichela-kako-se-lechi-kolku-vreme-trae-inkubacijata-i-shto-treba-da-izbegnuvaat-zarazenite-06.jpg

Каде се појавува?

Варичелата може да се појави на сите делови од телото, на лицето, по рацете, нозете, стомакот и грбот, темето и гениталиите.

Изгледот на сипаниците во текот на болеста се менува и поминува низ неколку фази.

На почетокот на инфекцијата, меурчињата се исполнети со бистра течност, а ден или два подоцна, течноста станува заматена и жолтеникава и потсетува на гној.

Откако ќе пукнат, се создава краста, која во последната фаза отпаѓа.

varichela-kako-se-lechi-kolku-vreme-trae-inkubacijata-i-shto-treba-da-izbegnuvaat-zarazenite-05.jpg

Симптоми

Еден од симптомите карактеристични за варичелата секако е нагонот за чешање, што може да доведе до површинско оштетување на кожата.

Доколку низ оштетениот епител во организмот влезат микроби, може да настане бактериска инфекција.

Доколку кожата се инфицира, потребно е да се оди на доктор, кој ќе препише некоја локална антибиотска маст.

Неизлечената инфекција може да доведе до компликации, а некои од последиците се лузни кои може да останат на кожата цел живот.

Лекување

Лек за варичела не постои.

Од помош може да бидат производи кои ќе го ублажат чешањето и лековите за намалување на високата температура

varichela-kako-se-lechi-kolku-vreme-trae-inkubacijata-i-shto-treba-da-izbegnuvaat-zarazenite-02.jpg

Хигиена

Кога станува збор за хигиената, варичелата не е причина да се избегнува секојдневното туширање.

Не се препорачува долг престој во вода, но дневната хигиена не треба да се прескокнува.

Дали варичелата е опасна?

Ова зависи и од животната доба во која ќе добиете сипаници.

Бебињата и децата најчесто поминуваат без компликации.

Кај возрасните варичелата предизвикува изразени симптоми и често доаѓа до компликации.

Со оглед на тоа дека вирусот може да го оштети фетусот, варичелата е особено опасна за трудниците кои ја немаат прележано.

После прележувањето на сипаниците, имунитетот е опаднат, па децата најчесто добиваат респираторни инфекции, воспаление на синусите и увото.

С. Ш. | Црнобело

Би можело да ве интересира:

Како да ги заштитите малите деца од сонце и кога да почнете да користите крем со фактор? Откако вашето бебе ќе наполни 6 месеци, време е да воведете крем со фактор. Ова ...
Анемија кај децата: Како да ја препознаете и на што да внимавате? Анемијата не е нешто невообичаено, особено кај децата. Но, важно е да обрнете по...
Симптоми кои се јасен знак дека треба да го однесете детето на очен лекар Го покрива едното око, го држи телефонот премногу близу до лицето или многу чест...
Како да препознаете дали вашето дете има крупни сипаници и како да му помогнете? Колку дена децата што имаат сипаници се заразни, како можете да му помогнете на ...
Атопичен дерматит кај бебиња - зошто се јавува и како се лекува? Бебето е нервозно, плачливо, постојано се чеша и не спие навечер. Атопичниот дер...
Рамни стапала кај деца: Што ги предизвикува и кога е време да побарате помош? Важно е да запаметете дека детето никогаш не треба да носи чевли што ги носело д...

Најчитани неделава

sonovnik-sidebar.jpg