Направете освежителна витаминска вода

Водата со вкус за многумина е вистинско освежување, но таквите купени производи се преполни со вештачки додатоци за чии називи многу често не сме ни слушнале.

Ако сакате да се освежите со здрав напиток полн со витамини, а вкусот на обичната вода ви е досаден и блуткав, тогаш домашната витаминска вода е идеална за вас.

Направете си самите комбинација на вкусови и уживајте во здравата напивка.

Состојки:

• свежо овошје
• свежи зачини по желба
• вода
• стаклен сад

Комбинација на вкусови:

• Лимон + лимета + портокал
• Малина + лимета
• Мента + краставица + зелено јаболко
• Лаванда + боровинка
• Ананас + мента + ѓумбир
• Портокал + лимон + ѓумбир

Подготовка на витаминската вода:

Овошјето исечкајте го на многу тенки парчиња или коцки и ставете го во стаклениот сад. Додајте го зачинот и сето тоа прелијте го со вода. Смесата ставете ја во фрижидер и оставете ја да стои 4 до 6 часа со повремено лесно мешање. Обичната вода заменете ја со вкусна и освежителна, полна со витамини и уживајте во здравиот напиток наместо во соковите заситени со шеќер.