Најлесно се слабее со банана диета
Банана диетата стана многу популарна низ целиот свет бидејќи помага да се ослободиме од килограмите на здрав начин.
Диетата е дело на Јапонецот Хитоши Ватанабе кој нè уверува дека станува збор за едноставна и ефективна диета.
Тој објаснува дека секое утро треба да се изеде по една банана и да се испие една чаша вода на собна температура, а во текот на денот може да се јаде нормална ужина, ручек и вечера.
Додека трае диетата не смее да се консумира алкохол, сладолед и други десерти после ручекот или вечерата. Во текот на целиот ден треба да се пие вода или чај на собна температура.
Нутриционистите тврдат дека не станува збор за чудотворна диета, туку за начин на исхрана кој подразбира ниско калоричен оброк кој го забрзува метаболизмот.
Бананата содржи максимално 135 калории и 10 до 20 грама шеќер, но е сиромашна со целулоза која ја има само 2-4 проценти, па нема посебно да нè засити и ќе бидеме гладни веќе по час или два.
Нутриционистите предлагаат доработена верзија на овој појадок, односно да се сомеле бананата и да се измеша со неколку коцки мраз и чаша јогурт при што ќе се внесат потребните растителни влакна и ќе се продолжи времето на ситост.