Откриена тајната зошто жените живеат подолго од мажите

Научниците од Медицинскиот факултет во Токио направиле истражување кое покажало дека тајната на долговечноста на жените е во составот на нивниот имунолошки систем кој старее побавно отколку кај мажите.

Имунолошкиот систем на жените им дава подолг животен век.

Разликата во имунолошките системи кај мажите и жените се крие во Б-клетките кои лачат антитела и Т-клетките кои го штитат телото од инфекции. Тие клетки кај мажите побргу се разградуваат отколку кај жените што објаснува зошто мажите се поподложни на воспаленија.

Меѓу припадниците на женскиот пол најдолговечни жени на светот се Јапонките кои живеат во просек 87 години, додека кај мажите тој просек е 79 години.

Споредбата која најдобро ја илустрира разликата помеѓу половите е следна, очекуваниот животен век кај мажите никаде не е преку 80 години, додека кај жените таа бројка е достижна во првите 40 земји на листата на долговечноста.