Пробајте: Евтина нега

За квалитетна нега не ви се потребни скапи препарати, туку свежи намирници од кои можете да направите убави маски, пакувања и пилинзи и при тоа да заштедите.

Купката на Клеопатра
За волшебно мека кожа во топла вода ставете 200 ml павлака и три лажици масло од орев. Наместо павлака можете да користите и млеко.

Пилинг со мед
За чиста и мазна кожа на телото натправете пилинг од мед. Измешајте две лажици морска сол со четири лажици мед, истријте го телото и истуширајте се.

Таратур маска
За поголема влажност на кожата направете маска од јогурт и краставица. Нанесете јогурт во тенок слој, а преку него ставете тркалца од краставица и оставете ги 20 минути на лицето.

Маслиново масло за нежен врат
Изматете три лажичиња топло маслиново масло и малку мед, нанесете на вратот и замотајте со влажна памучна крпа. Оставете 20 минути да стои па исплакнете со млака вода.

Пакување од авокадо и јајца
Освежете ги сувите и оштетени краеви и вратете и го сјајот и јачината на косата со маска од авокадо и јајце. Изматете изгмечено авокадо со две жолчки и нанесете ги на косата. По 20 минути темелно исплакнете ја косата.