Постојано ги грицкате ноктите? Веројатно го имате овој проблем

Колку пати во денот несвесно се заигрувате со косата или ги грицкате ноктите додека нешто читате или гледате?

Најновото истражување кое се занимаваше со ова компулсивно однесување покажува дека можеби сте перфекционисти.

Луѓето кои се нетрпеливи, лесно се нервираат или пак често пати им е здодевно, многу поголеми се шансите дека ќе посегнат по грицкање на ноктите.

Таквото однесување укажува на перфекционизам, карактерна особина која може да ви нанесе сериозна штета, гласи официјалниот резултат од истражувањето спроведено на универзитет во Монтреал.

- Веруваме дека луѓето кои грицкаат нокти се перфекционисти, односно дека не знаат да се опуштат и да ги извршат своите задачи со нормално темпо, вели психијатарот Кирон О Конор и додава дека токму заради тоа ваквите лица се склони кон фрустрации и се незадоволни со она што го постигнале.

Сепак, научниците тврдат дека ако повремено ги грицкате ноктите, а не постојано, тоа ви помага да ја исфрлите енергијата која не е продуктивно искористена.

Ако оваа навика почнува да влијае на дневниот живот, тогаш може да се категоризира како пореметување кое треба да се лечи, додаваат научниците и докторите.