Златна паста - Моќен лек против грип, настинки и воспаленија

Гриповите и настинките и понатаму владеат, а доколку се борите со нив и имате опаднат имунитет, оваа златна паста е одличен додаток во исхраната и лек.

Главната состојка е златната куркума - суперзачин полн со антиоксиданси и има противвоспалително дејство.

Потребни ви се следниве состојки:

• 125mg куркума во прав
• 250ml вода
• 1 ½ лажица мелен црн бибер
• 70ml ладно цедено масло или кокосово масло

Постапка:

Водата додајте ја во куркумата и ставете на тивок оган. Мешајте додека не добиете густа паста. Потребно е да варите околу 6 до 10 минути.

Ако ви се чини дека пастата е ретка, не се плашете да ставите уште малку куркума. Мора да внимавате само да не зоврие.

На крајот додадете го маслото и биберот. Продолжете да мешате додека не се соединат.

Готовата паста чувајте ја во стаклена тегла. Така може да издржи до 2 недели.

Како може да ја користите?

Додадете ја во храната како зачин.

Растопете 1 лажичка во чај, млеко или топла вода. Засладете по желба.

Одличен додаток е во сосовите за паста и месо.

Може да ставите лажичка-две и во крем супа.

Исто така е вкусна и ако ја додадете во варен ориз.

М. Д. | Црнобело