По препорака на докторите: Зошто е паметно да појадувате чоколадна торта?

Трикот е само да не претерувате и ќе остварите многу позитивни резултати.

Сигурно досега не ви паднало на памет да појадувате торта, додека сите советуваат рано наутро да каснете овесна каша, омлет или овошје.

Но, што ако за појадок каснете нешто слатко, а тоа да не биде овошје или бисквит?

Лиз Москов е експерт за исхрана и кулинарство кој советува дека тортата ќе биде „појадокот од иднината“ со чија помош ќе го зачувате здравјето, а и вишокот килограми ќе станат минато.

Таа тврди дека ако појадувате торта, најлесно ќе ги согорите калориите, бидејќи наутро метаболизмот ви е најбрз и ви останува цел ден пред вас за варење на тоа парче торта.

Плус, ќе ја намалите желбата за слатко понатаму во текот на денот.

Многубројни истражувања докажуваат дека чоколадото за појадок го зајакнува вашиот мозок и ви помага подобро и посконцентрирано да работите.

Сепак, не смеете да претерувате. Ако за појадок јадете повеќе од едно просечно парче торта, на крајот ќе имате повеќе штета отколку корист.

М. Д. | Црнобело