5 работи кои гинеколозите сакаат да ги знаете: „Не се сеќаваме на вашите интимни делови кога ве гледаме на улица“

„Еднаш имав случај кој се претстави со блага болка во стомакот“ - вели гинекологот Нарендра Писал кој 27 години работи во една гинеколошка ординација во Лондон.

„Мислеше дека има само накачено некое кило, но на прегледот се покажа дека има циста на јајникот која тежи 19 килограми. За среќа беше бенигна, па операцијата помина добро“ - додава.

Заради ваквите случаи, тој и останатите гинеколози се надеваат дека жените ќе сфатат дека колку и да се чинат одредени проблеми како незначајни, подобро е да се прегледаат.

Па, што сакаат професионалците да знаете?

1. „Ако имам една работа да кажам на жените, тоа е дека ако се доволно загрижени да пребараат на Google, подобро е да одат на лекар“ - вели докторката Џозефин.

2. „Не ги трпете ужасните менструални циклуси, подобро е да знаете зошто точно ви се случуваат. Плус, голема е веројатноста да најдете решение како да си помогнете благодарение на советите на лекарите“.

3. „Ако трошите повеќе пари на средства за лична хигиена, отколку на храна, тогаш редно време е да го посетите вашиот гинеколог, кој може да ви каже што не е во ред“.

4. „Не постои нешто што не сме го виделе претходно и не ни е грижа дали сте депилирани. Нема да се сеќаваме на вашите интимни делови, ако случајно ве видиме надвор од ординацијата“ - вели Ен Хендерсон, гинеколог од Кент.

5. „Ова е единствената најважна работа која можат да ја направат жените за да си го подобрат здравјето и да си го продолжат животниот век - да го посетат својот гинеколог“ - заклучуваат повеќето гинеколози.

Н. Г. | Црнобело