3 совети како да се изборите со алергиите пред почеток на пролетта

За многумина доаѓањето на пролетта значи растечен нос, насолзени очи и неконтролирано кивање. Колку и да е тоа така, сепак алергиите не можеме да ги поврземе само со едно годишно време, тие се активни во текот на целата година.

Причината поради која луѓето со алергија имаат растечен нос и воспалени очи, е поради тоа што нивниот имунолошкиот систем работи во обратна насока против исперцепираните закани на околината, борејќи се со помош на хистаминот.

Во продолжение прочитајте неколку совети кои ќе ви помогнат да ги регулирате алергиските реакции во текот на пролетното расцветување на природата:

Прескокнете го проветрувањето

Експертите препорачуваат во текот на пролетните денови да ги држите прозорците затворени. Топлиот воздух кој дозволувате да циркулира во вашиот дом при проветрување, всушност само го зголемува нивото на полен онаму каде престојувате. Како замена користете освежувачи на воздухот со јонизирани воздушни филтри и истите менувајте почесто.

Придржувајте се до советите на нутриционистите

Колку и да ви изгледа нелогично, сепак исхраната е еден од основните сегменти при регулирање на алергените реакции. Поконкретно, преработените шеќери и карбохидрати всушност го ослабуваат вашиот имунолошки систем и тој станува поподложен на алергиите. Во овој период од годината препорачливо е да се придржувате до начин на исхрана кој е богат со омега-3 киселини.

Постелнината складирајте ја сезонски

Дополнителните перници и ќебиња кои ги складираме во плакарите се едни од најподложните привлекувачи на алергени. Затоа во собата во која спиете чувајте го само она што го користите во тој момент, останатите прекривки и перници складирајте ги во вакуум вреќи и пренесете ги во друга просторија барем додека спласне сезоната на алергиите.

С. У. | Црнобело