Според докторите: Нова состојка во режимот за здрава исхрана

На сите ни е добро познато дека здравствената индустрија е полна со противречности и изненадувања, така што речиси е невозможно постојано да се следат здравите навики.

Па, така и ставот на доктор Винсент Педре уште еднаш нѐ сврти за 180 степени. Според неговата препорака, стомакот ќе функционира нормално доколку ја внесуваме препорачаната дневна доза на отпорен скроб.

Да, добро прочитавте, скроб, но не станува збор за леб, тестенини, ориз или компир, туку за „отпорен“ скроб. Овој тип на скроб функционира како еден вид на растворливи влакна и неговото конзумирање има огромен број на здравствени придобивки.

„Како доктор кој специјализирал за одржување на здравјето на стомакот, многу ја ценам улогата на пробиотицитеза создавање на среќен стомак“, наведува д-р Винсент. „Сепак, од неодамна јас сум вклучен во едно истражување каде ги испитуваме предностите од внесување на отпорен скров, и можам само да потврдам дека станува збор за пробиотски влакна коишто не се апсорбираат во тенкото црево“, објаснува тој.

Со други зборови отпорниот скроб се противи на варењето и ги храни добрите бактерии во стомакот. Освен тоа што ја оптимизира цревната флора и го намалува воспалението, отпорниот скроб може да ја намали и инсулинската резистенција како и да ги намали холестеролот и триглицеридите.

Најважно од сѐ е тоа што, отпорниот скроб е ефтин и многу лесно може да се вклучи во дневната исхрана.

С. У. | Црнобело