Како да го контролирате подуениот стомак?

Кога стомакот ќе ви се подуе не секогаш значи дека сте претерале со јадење и сега сите масни наслаги ви се залепиле во тој дел од телото.

Дуењето на стомакот е нормален процес кој се случува заради тоа што не внимавате што, како и кога јадете.

За среќа, сето тоа лесно се контролира.

Држете се до овој план и ќе забележите дека стомакот полека спласнува без диети и строги режими:

2 до 3 минути масирајте го делот над папокот со 4 прсти, движејќи се кружно, како на сликата. Потоа променете го правецот уште 2-3 минути. Ова ќе ви помогне да се ослободите од насобраните гасови.

Од насобраната вода ќе се ослободите така што ќе ги правите истите движења, но многу поблиску до папокот. Притиснете ја точката обележана на сликата и со поголем напор правете кружни движења. Секако, не треба да ве боли.

Масирајте го долниот дел од стомакот на ист начин за да се ослободите од тежината која ја чувствувате.

Покрај масажата, практикувајте ги и овие совети:

Почнете го денот со вода со лимон – внесувањето на витамин Ц пред појадокот ги регулира процесите во стомакот.

Не пијте пијалаци додека јадете – така само се полните и го отежнувате варењето на храната, што потоа води до дуење.

Не пијте алкохол на празен стомак – исто така го отежнува варењето и ја уништува здравата микрофлора во стомакот.

Пијте чај од ѓумбир – тој ја подобрува циркулацијата и го спречува формирањето на гасови.

Џвакајте и јадете бавно – ако џвакате брзо, голтате вишок воздух. Ова предизвикува подувување.

Релаксирајте се – секој ден одвојте по 15 минути за медитација на свеж воздух или лесна прошетка.

М. Д. | Црнобело