СПФ 15, 30, 50… Што значат бројките на заштитните фактори?

Летото е пред нас, а ако откриете како да се заштитите од сонцето правилно, конечно ќе може да уживате во него без изгореници, болки и лупење на кожата.

Се фокусираме на кремите со фактор, бидејќи во лето ги користиме неколку пати во денот.

За да одберете производ кој најдобро ви одговара на вашата кожа, најчесто се водите по логиката – колку што кожата ми е посветла, толку поголем фактор ми треба. И обратно, имам темна кожа, не можам да изгорам.

Каде грешите?

СПФ бројката, односно факторот покажува колку тој производ ќе ве заштити од сончевите зраци.

Во овој случај, важно е да разберете дека кремата со СПФ 30 не пружа двојно поголема заштита од кремата со СПФ 15.

Математиката е малку поинаква:

СПФ 15 блокира 93% од УВ зраците,

СПФ 30 блокира 97% од УВ зраците,

СПФ 50 блокира 98% од УВ зраците.

Исто така важно е да запаметите:

- Факторот се нанесува 20 минути пред да се изложите на сонце.

- Потребно е да го нанесувате на секои 2 часа или после секое излегување од вода или интензивно потење и бришење со пешкир.

- Неопходно е да нанесувате големи количини, бидејќи ако нанесете тенок слој од фактор 30-ка, заштитата ќе биде 5 пати помала.

- Предност имаат препаратите кои нудат и УВА филтри за заштита.

М. Д. | Црнобело