Чист дом = повеќе алергии и болести. Чувајте миленичиња и јадете храна која паднала на под!

Алергиските болести, како и интолеранцијата на одредена храна земаат сé поголем замав во современото општество, и кај децата, и кај возрасните.

Докторите велат дека тоа се должи на претераната опсесија сé да биде беспрекорно чисто и на животот во стаклено ѕвоно кој им го наметнуваат родителите на децата.

На тој начин, тие не доаѓаат во контакт со одредени микроби кои се клучни за правилно функционирање на имунолошкиот систем.

Докторите тврдат дека до 2021-ва година, скоро секое дете ќе има некаков здравствен проблем уште од раѓање. Многу лекари велат дека домашните миленичиња во домот ги штитат децата да не заболат од астма во иднина, а се препорачува да чуваат милениче и оние кои имаат дерматит.

Ако децата растат со домашно милениче, особено куче, тие се изложени на бактерии уште од рана возраст, па поради тоа развиваат силен имунитет и се поотпорни на алергии и слични здравствени проблеми.

Малку е познато и дека алергиите настануваат поради брза храна, пушење и зрачењето од мобилните телефони, денес повеќе од кога било порано, кога за алергии требало да се имаат генетски предиспозиции.

Хигиената е исто така причинител на разни болести, но не само лошата хигиена, туку и добрата. Според истражувањата, луѓето во сиромашните земји не заболуваат од болестите на луѓето во поразвиените земји.

Имено, таму каде што има изложеност на паразити поради лоши хигиенски услови, се развиваат други болести, но не и алергии, астма и автоимуни болести, за разлика од побогатите земји каде секој втор има вакви проблеми.

Оваа теорија објаснува дека понекогаш, треба малку да се извалкаме и да ги оставиме децата да си играат надвор, со цел да се развие посилен имунитет.   

М. В. | Црнобело