Зошто се појавуваат пеги на кожата?

Пегите на кожата може да се појават краткотрајно од сонцето, но може да бидат долготрајни ако имате генетски предиспозиции за тоа.

Повеќето луѓе како стареат се навикнуваат и ги засакуваат своите пеги, но тие понекогаш кај младите знаат да бидат причина за грижа, иако нема потреба од тоа.

Што се пеги и зошто се појавуваат?

Пегите се мали кафени белези на лицето кои најчесто излегуваат кога лицето или некои делови од телото се изложени на сонце. УВ-зраците на сонце го забрзуваат процесот на акумулација на пигмент, па пегите се појавуваат во областите што се изложени на сонце.

Може да бидат знак на стареење

Кај некои луѓе пегите се формираат на постара возраст како последица од долгорочната изложеност на сонце. Не се опасни, но ако ви се појават ненадејно и се големи, консултирајте се со вашиот доктор.

Најверојатно имате светла кожа и светли очи

Пегите може да се појават поради генетски предиспозиции кај секого, но најчесто кај светлите луѓе. Гените кои ги носат пегите се најчести кај луѓето со посветла кожа, коса и очи.

Не сте родени со нив

Дали сте забележале дека нежната кожа на бебињата никогаш нема пеги? Тоа е затоа што никој не се раѓа со нив. Пегите се јавуваат кај луѓе кои имаат предиспозиции за тоа кога се изложени на сонце, но ниту едно бебе нема затоа што бебињата во првите денови од животот не се изложени екстремно на сончеви зраци.

Еден вид на пеги се сезонски

Постојат два вида на пеги. Првите се кафеави и поголеми и не исчезнуваат дури и за време на зимата, а другите се помали, излегуваат при изложеност на сонце и потоа исчезнуваат заедно со силните сончеви зраци.

Ве прават поотпорни на сонцето

Пегите се најдобрата природна заштита од штетните зраци на сонцето, но секако добра идеја е секогаш да имате нанесено крема за сончање.

Пигментот во флеките при изложеност на сонце станува потемен и повеќе ве штити од штетните зраци.

Наследни се

Ако имате пеги, најверојатно има и некој од вашите родители или пак ги имале во некој период од нивниот живот. Тие се генетски наследни.

С. С. | Црнобело