Како најбрзо да се ослободите од вишокот килограми без гладување и диети?

Најдете начин да се справите со стесот, внесувајте доволно протеини и обрнете внимание на бројот на калории - навистина можете да се ослободите од вишокот килограми без строги (и нездрави) диети.

Со текот на годините, метаболизмот се забавува и тоа е неспорен факт, но сепак, постојат начини како да ги согорите калориите – побрзо од вообичаено.

Неколку совети што ќе ви бидат од помош:

Повеќе години, помалку калории

Колку калории ви се потребни на ден, а притоа да не ја нарушите идеалната тежина? Просечено, една активна жена во своите 20-ти може да внесе 2.200 калории дневно без да ја наруши нејзината моментална тежина.

Во 30-тите и 40-тите, калориската вредност опаѓа на 2.000, а во 50-тите години на 1.800 калории на ден во просек.

Кај мажите, бројот на калории е поголем. Односно, до 30-тата година можат да внесуваат од 2.400 до 3.000 калории, до 60-тата година помеѓу 2.200 и 3.000, додека по 60-тата година бројот се намалува на 2.000 до 2.600 калории дневно.

Бројот на потребни калории варира во зависност од висината, физичката активност и здравствената состојба.

Најдобро е да се консултирате со експерт за да утврдите колку точно калории му се потребни на вашиот организам за слабеење или одржување на оптималната тежина.

Неминовно е со текот на годините да ги менувате вашите прехранбени навики, но внесувањето помалку калории не значи да гладувате, туку подобро да ги избирате намирниците.

Здрава количина протеини

Посилната мускулатура сама по себе троши повеќе калории. Протеините се важни за изградувањето на силна мускулатура, но само ако се внесуваат во здрава количина.

Што воопшто значи здрава количина протеини?

Од 10% до 35% од дневниот внес на калории треба да бидат протеини. Или, за секој килограм од вашата тежина, треба да внесете околу 0,8 грама протеини дневно.

Што значи, ако тежите 75 килограми, препорачливо е да внесете 60 грама протеини дневно.

Јогурт и повторно јогурт!

Јогуртот е најдобрата ужина ако сакате да ја задржите здравата тежина, затоа што има идеална мерка на јаглехидрати, протеини и масти, а притоа го одржува стабилно нивото на шеќер во крвта.

Јогуртот го забрзува метаболизмот, поттикнува согорување на калориите и ве ослободува од токсините и надуеноста.

Физичка активност

Кардио тренингот најмногу ќе ви помогне при изградбата на мускули и ќе ве реши од вишокот килограми.

Ако не сте навикнати на физичка активност, почнете со полесно темпо, во траење од 20 минути, па потоа постепено зголемувајте го интензитетот.

За да си го направите вежбањето поинтересно, комбинирајте одење, возење велосипед и вежбање на некоја справа.

Справување во стресот

Стресот кој е предизвикан од модерниот начин на живот е еден од главните виновници за забавувањето на метаболизмот и здебелувањето, покрај лошата исхрана и недостатокот на физички активности.

Всушност, многу од луѓето кога се под стрес реагираат со прејадување. Доколку ова трае подолго време, неминовно е да се зголеми и телесната тежина.

М. П. | Црнобело