6 работи на кои треба да внимавате при туширањето


6 работи на кои треба да внимавате при туширањето

Кој би рекол дека нешто толку секојдневно и рутинско сè уште крие некакви тајни од вас, кои треба да ги научите?

tushiranjeto-i-site-tajni-koi-treba-da-gi-znaete-01.jpg

Некои од нас се тушираат дури и по двапати во текот на денот, а начинот на кој тоа го прават можеби и не е најоптимален за општото здравје. Верувале или не, постои правилен начин како да го правите и тоа.

Ова се неколку тајни за туширањето кои задолжително треба да ги знаете:

Не треба да миете сè на секое туширање

Вашето тело останува чисто подолго отколку што мислите дека е. Ако се туширате секојдневно, некогаш е доволно само со благ сапун да ја отстраните видливата нечистотија, а сите делови од телото внимателно да ги миете на неколку дена.

tushiranjeto-i-site-tajni-koi-treba-da-gi-znaete-02.jpg

Прежешката вода ја оштетува кожата

Особено кога надвор е ладно, не можете да одолеете на топлиот туш и пријатното чувство. Но, имајте контрола и со ова, бидејќи лесно можете да ја „попарите“ кожата и да си нанесете благи изгореници кои потоа ќе создадат непријатно чувство.

Парфимираната козметика ја иритира кожата

Нема кој не може да одолее на мирисливите гелови за туширање и купки, но не по цена на иритации на кожата, алергиски реакции или дерматитис.

Мачкајте се со хидратантен лосион

После секое туширање, потребно е да нанесете хидратантен лосион за тело, за да ја вратите влажноста на кожата и да го стимулирате природното навлажнување. Оставете само неколку капки вода неизбришани пред да се намачкате.

tushiranjeto-i-site-tajni-koi-treba-da-gi-znaete-03.jpg

Внимавајте на инфекции

Тушот кој го користите само вие или со членовите од најблиското семејство нема опасности за вас. Но, секогаш кога имате повеќе гости или кога сте вие некаде на гости, најдобро е да носите гумени влечки на нозете, за да не стоите директно врз плочките. Некои кожни и бактериски инфекции „преживуваат“ дури и во најчистите туш-кабини.

Сапунот е похидратантен од гелот за туширање

Геловите, пените и кремовите за туширање можат да ја исушат кожата. Ако не сакате да се туширате со сапун, избирајте ги овие производи повнимателно и обрнете внимание на состојките во нив.

Е. Д. | Црнобело

Би можело да ве интересира:

Ќе станете поубави, видот може да се влоши: Што ќе се случува со вашет... Стравот од стареење е вообичаен кај сите, посебно кај оние кои полека се приближ...
Домашни лекови за ублажување на болката и чешањето при убод од комарец Доколку обидите да ги избркате со разни апаратчиња и спрејови не ви успеат, и се...
8 работи што ќе му се случат на телото ако почнете секој ден да пиете ... Намалување на тежина, подобрување на здравјето, третирање на нервите и зајакнува...