6 предизвикувачи на мигрени за кои можеби не сме свесни

За мигрените може да се пишува многу, бидејќи на оние кои страдаат, важен им е секој гест на поддршка и разбирање.

Нивниот живот воопшто не е лесен, особено затоа што е многу тешко да се детектираат вистинските причини за мигрената, бидејќи тие се прилично индивидуални. Постојат неколку заеднички тригери, за кои повеќето кои имаат мигрени детектирале дека им пречат.

Најверојатно ќе почекаме додека да го добиеме точниот одговор на прашањата зошто добиваме мигрени и како да ги запреме.

Дотогаш, обрнете внимание на следниве потенцијални предизвикувачи:

Стрес

Стресот многу често е одговорот на сите проблеми кои ги имаме со нашето здравје. Внимавајте колку сте изложени на него во текот на денот, бидејќи можеби токму тој е предизвикувач на вашата мигрена.

Вештачки засладувачи

Многупати се покажало дека луѓето кои во својата исхрана не вклучуваат вештачки засладувачи во помал процент страдаат од мигрени. Секој организам има различна толеранција на ваквите засладувачи, но доколку често имате мигрени, обидете се да ги избегнувате индустриските овошни јогурти, желето, слатката павлака за кафе, житните плочки...

Кофеин

Можеби вашето тело е толерантно на кофеин, но не значи и дека треба неограничено да го внесувате во текот на денот. Ако претерате, а сте склони кон мигрени, веројатно ќе предизвика болка. Од друга страна пак, многумина чувствуваат олеснување на тегобите на мигрена откако ќе испијат кафе.

Парфеми и силни мириси

Интензивните мириси, без разлика дали се пријатни или не, често се на листите на предизвикувачи на мигрени.

Временските услови

Со својата мигрена вие се чувствувате како подвижна метеоролошка станица - знаете кога точно ќе се промени времето. Слично ви влијае и патувањето во места со различна клима од домашната.

Хормони и секс

Жените страдаат од мигрени трипати повеќе од мажите, а за тоа се виновни хормоните кои се лачат за време на ПМС и менструален циклус. Затоа и кога имаат секс, може да се случи да се пожалат на мигрена по оргазмот.

Е. Д. | Црнобело