Сè што треба да знаете за летната депресија

Сезонската депресија обично ја поврзуваме со есен или зима, но тоа е, всушност, „вид на депресија што се појавува и исчезнува“ со промената на сезоната и не е строго условена.

Друг вид на сезонско нарушување на расположението е летна депресија, која се случува, како што сугерира нејзиното име, во текот на летните месеци.

Додека повеќето луѓе уживаат во одмор, планирање на одмор и релаксација, личности кои страдаат од летна депресија имаат недостаток на волја, самодоверба, нарушување на апетитот, проблеми со несоница и самоубиствени мисли.

Што предизвикува летна депресија?

Точната причина за ова растројство е непозната, но се верува дека промената во излачувањето на одредени невротрансмитери, серотонин и мелатонин, кои се лачат поради премногу сончева светлина, можат да бидат едни од факторите.

Промени во изложеност на дневна светлина и сончеви зраци можат да предизвикаат флуктуации во нивоата на мелатонинот и серотонинот, кои влијаат на нашето расположение и менталното здравје.

На пример, ниско ниво на серотонин е поврзано со депресија, ова е научно докажано.

Постои и феномен на „страв да не се пропушти нешто“, кој исто така може да биде „тригер“, особено денес во времето на социјалните мрежи, кога често мислиме дека сите други се забавуваат повеќе од нас.

Како се лекува летната депресија?

Ова нарушување на расположението влијае на квалитетот на животот и треба да се третира сериозно, како и секој друг вид на депресија.

Како и секоја форма на депресија, летната депресија може да предизвика тешкотии во секојдневните активности, како недостаток на мотивација и енергија.

Ашера | Црнобело