„2.5 кг масно ткиво наспроти 2.5 кг мускули“ - доказ дека не е сѐ до килограмите

„Приметете колку повеќе простор зафаќа масното ткиво од мускулите. Затоа, и само неколку килограми во масно ткиво прават голема разлика во ОБЕМ на телото, особено ако се сконцентрирани на едно место, на пример, околу СТОМАКОТ“, вели доктор Митов.

Доктор Александар Митов е специјалист за лајфстајл медицина кој постојано нѐ информира за разни работи на социјалните мрежи и нѐ учи на здрави навики.

Овојпат тој сподели фотографија од интернет на која е направена споредба на 2.5 кг масно ткиво наспроти 2.5 кг мускули.

„2.5 кг масно ткиво наспроти 2.5 кг мускули.

Приметете колку повеќе простор зафаќа масното ткиво.

Затоа, и само неколку килограми во масно ткиво прават голема разлика во ОБЕМ на телото, особено ако се сконцентрирани на едно место, на пример, околу СТОМАКОТ.

И затоа кај некои луѓе 3 кг прават видлива разлика.

НО, затоа и мало покачување на мускулната маса, ќе ја излаже вагата и нема да дозволи да видите пад во тежината.

Оваа слика објаснува многу работи“, напиша доктор Митов.

Погледнете и Видео интервју со д-р Александар Митов: „Лимонот на гладно не е штетен, на моите деца не им давам чипс“

С. С. | Црнобело