Девојка (14) е алергична на вода, пот и на своите солзи: „Не смеам да плачам, ми фали пливање и плажа“

„Имам реакција по секое туширање, миење раце, плачење, па дури и потење. Тоа што не можам да плачам кога сум тажна прави да сум под уште поголем стрес...“, вели Сеjди Тесмер (14) од САД.

Сеjди Тесмер (14) од САД има многу ретка состојба која се вика аквагена уртикарија, односно е алергична на вода.

Нејзината кожа поцрвенува и ја чеша кога е изложена на вода.

Состојбата ѝ била дијагностицирана пред 4 месеци. Поради тоа, таа едвај ја напушта својата куќа, а морала да се откаже и од училиштето.

Вели дека болката е огромна и дека не смее ниту да плаче за да си олесни, затоа што дури и солзите ѝ создаваат проблем, алергична е и на нив.

Нејзината мајка забележала дека нешто не е во ред со кожата на Сејди по туширање, но мислела дека тоа се должи на претоплата вода.

Но, кога проблемот продолжил да се јавува, ѝ биле направени испитувања и ѝ било дијагностицирано дека станува збор за алергија на вода.

Сејди вели дека чувството е како некој да ви истура бензин што гори.

„Имам реакција по секое туширање, миење раце, плачење, па дури и потење. Тоа што не можам да плачам кога сум тажна прави да сум под уште поголем стрес.

Кога ми ја кажаа дијагнозата не ми изгледаше реално, не верував дека некој може да биде алергичен на вода. Многу се растажив затоа што не можам да пливам и да одам на плажа.“

За среќа, алергијата на Седи не ѝ влијае внатрешно, па таа може да пие вода, но со цевка, за водата да не дојде во допир со нејзините усни и да добие чувство дека ја горат.

Таа додава дека ѝ е страв да оди дури и на прошетки, затоа што почнува да се поти и тогаш се јавува проблем.

„Се надевам дека во иднина ќе направам повеќе истражувања за оваа состојба и конечно ќе можам да водам нормален живот како секоја обична тинејџерка.“

С. С. | Црнобело