Трикови со кои Французите максимално ги користат малите кујни

Не чуваат непотребни работи во кујната и купуваат повеќенаменски апарати – Како Французите максимално ги користат малите кујни?

Сите кои сакаат да готват, сонуваат за голема кујна, а не секој има можност за ова.

Но, само затоа што имате мала кујна, не значи дека не можете да уживате во готвењето. Само треба да научите неколку трикови од Французите.

Како Французите максимално ги користат малите кујни?

Не чуваат непотребни работи во кујната

Французите не зафаќаат простор во малата кујна со работи што не ги користат.

Ако имате апарати кои скоро никогаш не ги употребувате, најдобро подарете ги.

Истото важи и за садови, прибор и што било во кујната што не ви треба.

Ги закачуваат предметите

Ќе заштедите многу простор ако ги закачите ножевите и тавите на ѕидот.

Имаат малку садови и прибор

Ако сте како повеќето, во кујната веројатно имате куп чинии, шолји и чаши. А, сигурно не ви требаат сите.

Доволно е да имате по една длабока и плитка чинија за секој член од семејството. Истото важи и за шолји и чаши.

Секако, имајте и еден сервис за гости кој не ни мора да го чувате во кујната, бидејќи нема да го користите секој ден.

Сè останато непотребно ви зафаќа простор.

Купуваат повеќенаменски апарати

Наместо да купите тостер и посебен апарат за правење вафли, купете модел со кој можете да ги правите и двете.

Секогаш кога можете, купувајте апарати со повеќе функции и ќе заштедите многу простор.

Продолжува на следната страница...