Молци во домот - Како да ги уништите и да спречите да се појават повторно?

Знаци дека имате молци во домот се дупките на вашите теписи, палтата, облеката. Ако забележите мали црвчиња низ домот, на ѕидовите, ова е првата форма на молецот и значи дека треба да преземете нешто.

Молците, како и пеперутките, се појавуваат во три облика - како јајце, гасеница и пеперутка. Тие се безопасни за луѓето, но можат да бидат многу штетни за храната и облеката.

Може да живеат во која било просторија од домот, а плакарите им се омилено место за положување јајца.

Она што ги привлекува молците во гардеробите се: влакна од животни, волна, како и облека што не е многу чиста.

Овие мали инсекти може да се најдат и во вреќата со брашно, житарките, сушеното овошје, зачините, но и во сувите билки (стари чаеви), а кога ќе стигнат до гардеробата, молците буквално ја уништуваат.

Кои се најефективните методи за отстранување на молците од вашиот дом?

Плакарите со алишта

Клучот е да се избркаат овие предатори од домот и да им се најде живеалиштето. Затоа, пребарајте ја гардеробата и извадете ги волнените џемпери и проверете дали во нив има гнездо од овие инсекти.

Гнездата изгледаат како мали бели пајажинки. Погледнете ги сите дупчиња, може да се многу добро сокриени.

Извадете ги сите работи од плакарот. Крзнените палта, зимските јакни и волнените џемпери мора да бидат изложени на силна сончева светлина, оставете ги на тераса или во близина на прозорец.

Избришете ги плакарите со крпа натопена во раствор од сапуница.

Добро испраната гардероба исушете ја и дури потоа здиплете ја и ставете ја во плакарот.

Доколку јакните и палтата ги чувате во плакарот, откако ќе ги однесете на хемиско чистење, задолжително прво завиткајте ги во фолија, а потоа вратете ги внатре.

Добро прегледајте ја кујната и плакарчињата каде што чувате храна

Ако забележите ситни пеперутки во кујната, а црви во житарките, „честитки“ - имате молци!

Одвојте ги сите житарки, сушените печурки, брашното, чаевите, сувото овошје, зачините и проверете дали се нападнати од молци.

Избришете ги кујнските ормари со крпа натопена во оцет, а потоа исушете ги темелно и проветрете ги. Чувајте ги билките, житарките и сушените печурки во фрижидер.

Велат дека добро е и житарките како брашно, овес, лен прво да се остават во замрзнувач неколку дена, а потоа да се сортираат во кутии.

Може добро да ги покриете житариките и до нив на полицата да ставите чешне лук. 

Ако сакате да исчистите темелно, подгответе раствор од: половина литар вода, 1 мала лажичка ракија, 2 лажици масло од чајно дрво. Избришете ги ормарите со овој раствор внатре и надвор.

Што ги уништува молците?

Нафталин

Во минатото, луѓето натопувале работи во нафталин за да ги убијат молците. Во џебовите на капутите и крзнените јакни се препорачува ставање на нафталин.

Кора од портокал

Ставете лушпи од портокал во кујнските плакари и молците ќе побегнат.

Нане, еукалиптус и лаванда се билките од чиј мирис бегаат молците

Уште еден добар начин да се ослободите од молците се вреќичките со зачини кои можете сами да ги направите.

Направете платнени вреќички и во нив ставете цимет, каранфилче и бибер. Сува кора од лимон и портокал исто така може добро да послужи.

Овие вреќички може да ги поставите каде било во станот и да бидете сигурни дека молци повеќе нема да имате. Интензивните мириси им пречат на молците.

С.Ш. | Црнобело / фото: pixabay.com; freepik.com