Трикови со кои предметите и храната во домот ќе ви траат подолго (и ќе ви заштедат пари)

Повремено ротирајте го душекот

На секои три месеци ротирајте го душекот.

На овој начин тој подолго ќе ја задржи формата.

Чувајте го брашното во фрижидер

Ако го чувате на собна температура, брашното ќе трае околу три месеци.

Но, ако го ставите во фрижидер, тогаш ќе ви трае една година, додека во замрзнувач можете да го чувате и до две години.

Додајте неколку зрна ориз во солта

Оризот може да ја впие влагата од солта, па со тоа да го спречи создавањето грутки во неа.

Поретко перете ги фармерките

Освен ако не ги извалкате многу, на пример поради работа на отворено, фармерките можете да ги перете и по десет носења.

Немојте да ставате многу прашок и омекнувач за облека

Покрај тоа што не треба да претерувате со овие продукти, за некои парчиња е подобро и да не користите омекнувач.

На пример, крпите и пешкирите се од различен материјал од облеката што ја носиме, па е многу подобро да ги перете без омекнувач

Истото важи и за фармерките.

Не носете ист пар чевли два дена по ред

На овој начин ќе им дадете можност на чевлите да се исушат од влагата од стапалата, со што ќе се спречи појавата непријатен мирис.

Покрај тоа, со носењето чевлите малку се деформираат, па со оваа пауза ќе можат да се вратат во првобитната форма, пред повторно да ги облечете.

Спирова С. | Црнобело