8 грешки што (сите) ги правиме кога го чистиме домот

Ставате премногу детергент, користите памучни наместо микрофибер крпи - кои се најчестите грешки што ги прават кога го чистат домот (и како да ги избегнете)? 

Чистењето не е тешка задача, но си бара одредени „услови“ за да биде правилно.

Но, за да ви биде полесно (дури и да уживате додека чистите), пробајте да ги избегнете најчестите грешки што се прават додека се чисти.

Ова се неколку трикови кои може да ги примените за да ги избегнете грешките - верувајте, по ова, чистењето ќе ви биде полесно.

Кои се грешките што (сите) ги правиме кога го чистиме домот?

Не му давате можност да средството за чистење да делува

Повеќето луѓе ќе испрскаат средство за чистење на некоја површина и веднаш пребришуваат, но ова е погрешно.

Оставете го барем половина минута на површината за да почне да делува на прашината или маснотијата, на дамките и потоа полесно ќе ги исчистите.

Чистите сè со таканаречени волшебни сунѓери

Сунѓерите од меламин им се омилени на многумина бидејќи само треба да ги навлажните со вода и тие ефикасно ќе исчистат сè - многумина ги нарекуваат „волшебни сунѓери“.

Професионалците, сепак предупредуваат дека не се соодветни за сите површини и дека овие сунѓери ги уништуваат површините покриени со мат или сјајна боја, не се соодветни за чистење тефлон или челик, бидејќи го уништуваат површинскиот слој.

Затоа, пред да почнете да триете, тестирајте на некој мал дел дали сунѓерот од меланин ќе ја исчисти површината или ќе ја изгребе.

Бришење прозорци кога е сончево

Кога ќе решите да ги бришете прозорците, избегнувајте да го правите тоа на сончево и многу топло време.

Под влијание на сонцето и топлината, средствата се сушат многу брзо, па наместо лесно да ги избришете прозорците, ќе ви останат дамки од средството кои ќе се помачите да ги исчистите.

Користите памучни крпи наместо микрофибер

Памучните крпи имаат подолги влакненца од крпите со микрофибер, па оставаат влакненца и дамки дури и на исчистените површини.

А ако веднаш не ги исперете, почнуваат да мирисаат непријатно.

Микрофиберот е секогаш подобра опција, зашто чисти полесно, не остава влакна и не се замирисува како памучните крпи. 

Продолжува на следната страница...