Пена за бричење наместо средство за стакло и уште 7 старински трикови за (полесно) чистење

Обложете ги шкафчињата со украсна хартија за полесно чистење, но и за да ги заштитите, а за чистење на мијалникот искористете комбинација од сода бикарбона и лимон.

Нашите баби немале посебно средство за бигор, за стакло, за мрсни дамки и што уште не, па морале да се снаоѓаат со поприродни алтернативи.

А, нивните трикови за чистење не само што се ефикасни, туку некогаш се и подобри бидејќи не вклучуваат користење многу хемикалии.

Осум старински трикови за чистење што треба да ги пробате:

Бел оцет наместо средство за чистење

Белиот оцет е одличен за отстранување масни наслаги, бигор, но и непријатни мириси од одводот.

Во шишенце со распрскувач измешајте исто количество вода и бел оцет и користете го како најобично средство за чистење во бањата или кујната. Но, избегнувајте го за дрвени површини и површини од природен камен, како мермер.

Сода бикарбона и лимон за тврдокорни дамки

Комбинацијата од соба бикарбона и лимон може да биде од корист за потврдокорни дамки.

Направете паста од сода бикарбона и обична вода, па додајте малку лимонов сок во неа. Смесата можете да ја користите за да ја исчистите рерната, мијалникот, но и плочките.

Весници врз шкафчињата

Ако имате навика да купувате весници, не ги фрлајте, туку постелете ги на горниот дел од шкафчињата во кујната, дневната или каде било.

На овој начин ќе ги заштитите од прашина, па наместо да бришете (на тешко достапни места), само сменете ги весниците.

Украсна хартија во внатрешноста на шкафчињата

За да ги заштитите кујнските шкафчиња, обложете ги со украсна хартија.

Дури и ако ги чистите редовно, кога во нив чувате храна, лесно може да се извалкаат и да останат дамки. Со украсната хартија ќе го спречите ова.

Овој трик е ефикасен ако имате многу стари шкафчиња кои е тешко да ги исчистите темелно.

Продолжува на следната страница...