Грешки во чистењето на кујната поради кои храната има чуден вкус

Не го распоредувате приборот за јадење во машината за садови

Ако ставите многу прибор за јадење одеднаш, може да не се измие или да не се исплакне убаво.

Важно е приборот да не биде збиен во машината, туку да има простор водата да протекува низ него.

Не ги чистите пластичните садови за храна соодветно

Пластичните садови можат да ги апсорбираат мирисите од храната. Па, кога во нив ќе ставите друго јадење, ќе го чувствувате мирисот и од претходното.

За темелно да ги исчистите, некогаш не е доволно да ги ставите во машина или да искористите само средство за садови.

Најдобро е пластичните садови да ги чистите со оцет – ставете малку бел оцет во нив, па дополнете ги со топла вода и оставете да отстојат барем еден час.

Потоа само измијте ги како вообичаено.

Не ја чистите скарата

Ако имате скара на жар, важно е добро да ја исчистите пред употреба за да не го расипете вкусот на храната.

За ова може да ви помогне најобичен кромид – пресечете го на половина и со него истријте ја скарата.

Не го чистите кафематот од бигор

Ако забележувате чуден вкус во кафето, тогаш веројатно е време да го исчистите кафематот од бигор.

За ова можете да го наполните резервоарот на апаратот со иста количина вода и бел оцет. Потоа само вклучете ја опцијата за правење кафе, без да ставате кафе.

Потоа пуштете ја машината уште два-трипати само со вода, за целосно да се отстрани оцетот.

Спирова С. | Црнобело