9 предмети во бањата што сигурно не ги чистите доволно

Затворач за одвод

Затворачот за одводот и во кадата и во мијалникот е место каде лесно се акумулираат бактерии, бигор, како и остатоци од сапун и шампони.

Кога го чистите тоалетот, важно е да го исчистите и него.

Најлесно е да го оставите да кисне во сад со една шолја топла вода и една шолја бел оцет околу еден час.

Потоа само исплакнете го.

Шините на туш кабината

Ако имате туш-кабина со шибер врати, не заборавајте да ги исчистите и шините.

За да ги разградите нечистотиите, можете да истурите бел оцет, да оставите да делува, па да исплакнете со силен млаз вода.

Четки и чешли за коси

На четката и чешелот не остануваат само влакна, туку и продуктите што ги користите за коса, маслата што ги лачи вашиот скалп, како и прашина.

Па, ако користите четка или чешел што не ги чистите, косата ќе ви се мрси побрзо.

Еднаш неделно покиснете ја четката во топла вода и шампон, темелно исплакнете ја и оставете ја добро да се исуши.

Вентилатор

Со текот на времето, на вентилаторот во бањата се акумулира прашина.

Ако не го чистите, вентилаторот нема да работи правилно, а може и побрзо да се расипе. Поради влагата, пак, може да се појави и мувла.

Затоа важно е барем еднаш месечно да го чистите.

Четки за заби

Иако ги плакнете по секое миење заби, важно е и повремено да ги дезинфицирате четките.

Редовно чистете го и садот во којшто ги чувате за да спречите појава на мувла.

Спирова С. | Црнобело