9 работи кои можете да ги исчистите со обична паста за заби

Ќе останете зачудени откако ќе откриете за што сè сте можеле да ја употребите пастата за заби, а сепак сте се задржале до нејзината основна употреба.

Некои од идеите може да ви делуваат сомнително и чудно, но верувајте дека вреди да ги испробате:

1. Сребрениот накит повторно ќе светне ако го исполирате со малку паста за заби и стара четка.

2. Со малку паста за заби на мека крпа можете да ги исполирате и светлата од автомобилот.

3. За љубителите на старките имаме изненадување - наместо да ги перете и триете со средства, само исполирајте ги со бела паста за заби. Ќе светнат за помалку од 5 минути!

4. Ако очилата за нуркање ви се замаглуваат, премачкајте ги со паста за заби од внатрешната страна, па потоа добро измијте ги. Никогаш повеќе нема да ви се замагли пред очи.

5. Флеките на дрвениот мебел исчистете ги со полирање со паста за заби и мека крпа.

6. Чешмата повторно може да светне ако ја премачкате со паста за заби и оставите малку да делува, па потоа пребришете со мека крпа. Оваа постапка може да ја искористите за сите метални површини.

7. Со истата постапка можете да ја исчистите и пеглата.

8. Наместо да ставате заштитна фолија, премачкајте го екранот на телефонот со мала количина на паста и потоа избришете со сува крпа или марамче. Така ќе ги спречите гребнатинките.

9. Пастата за заби може да ве спаси и од обоените нокти после чистењето со ацетон.

М. Д. | Црнобело