Колку функционираат домаќинските трикови кои ги учиме онлајн?

Денес може да се најдат илјадници совети и трикови за олеснување на секакви ситуации во домаќинството.

Од чистење на дамки, до отстранување гребаници и пеглање без пегла за алишта. Трикови кои на сите ни се потребни во одредени моменти за да ни го „спасат животот“.

Но, дали тие навистина се точни и дали функционираат? И кога треба да се употребуваат?

Погледнете ги овие 10 трикови и дознајте дали успеваат:

1. Памук и оцет ќе ви помогнат да отстраните мастило од чантата

Резултат: Функционира. Плус, така можете да го проверите и квалитетот на чантата. Ако е квалитетна, бојата нема да се пренесе на памукот.

2. Со пегла за коса може да се испеглаат малку изгужвани делови од облека

Резултат: Изгужваните делови брзо се пеглаат. Функционира добро, посебно на светли маици. Со поцврсти материјали нема да успее.

3. Влошките помагаат брзо да се исушат чевлите и да се изгуби мирисот

Резултат: Ако имате и фен за сушење, ова е одличен начин да ја отстраните влажноста од чевлите. За неколку часа ќе бидат суви.

4. Ако ставите восок на чевлите и ги дувате со фен, ќе станат водоотпорни

Резултат: Успева. Восокот е незабележителен и се отпорни на вода. Може да биде корисно за дождливи денови.

5. Отстранете ги гребаниците на чевлите со вазелин

Резултат: Малите гребаници стануваат незабележителни, а големите сѐ уште се видливи.

 

6. Отстранете ги топчињата на облеката со помош на брич

Резултат: Трикот успева, топчињата исчезнуваат. Но, не треба да претерате за да не ја уништите облеката.

7. Исчистете ги масните дамки на облеката со бебешка пудра

Резултат: Не успева. Пудрата ја впива маснотијата, но дамката останува.

8. За да ја задржите формата на високите чизми, ставете завиткан хамер.

Резултат: Успева. Можете да пробате и со нешто друго наместо хамер, што мислите дека ќе ги држи цврсти до следната зима.

9. Антибактериско средство за раце може да ги отстрани дамките од мастило на облека

Резултат: Функционира одлично! Брзо ги отстранува трагите од пенкало.

10. Ако ви се разлабави копче, ставете лак за нокти

Резултат: Успева и тоа не само со мали копчиња од кошула, туку и со големи од јакни и капути.

М. М. | Црнобело