Како да ја исчистите кожената јакна дома?


Како да ја исчистите кожената јакна дома?

Кожената јакна е модно парче кое може да се носи речиси во секоја сезона и во многу пригоди. Се комбинира на секакви начини и затоа е важно правилно да ја одржувате за да ви трае подолго.

4-ednostavni-nachini-za-chistenje-na-kozhnata-jakna-01.jpg

Без разлика дали јакната е од природна или вештачка кожа, најдобро е да ја перете со благ, течен детергент и млака вода.

Освен овој начин, можете да ги примените и следниве 4 начини за чистење:

Паста за заби

На дамките на јакната нанесете малку паста за заби. Нежно истријте ги дамките со мека крпа додека не исчезнат. Ако ви остане паста на јакната, отстранете го вишокот со влажна крпа.

Медицински алкохол

Измешајте медицински алкохол и вода во сооднос 1:1. Во течноста потопете памучна крпа, добро исцедете ја и пребришете ја јакната. Со друга влажна крпа повторно пребришете ги сите делови.

Сода бикарбона

Нанесете сода бикарбона на целата јакна или на деловите каде има дамки. Со влажна крпа нежно истријте ја и оставете да неколку часа. Потоа, избришете ја со сува крпа.

Отстранувач на лак за нокти

Дамките на кожената јакна лесно можете да ги исчистите ако нанесете малку отстранувач на лак за нокти на стапче за уши. Не тријте директно на дамката бидејќи може да се изгуби бојата на тој дел.

Внимателно притискајте со стапчето за уши врз дамката, а потоа пребришете со влажна крпа, а на крај со сува крпа.

М. В. | Црнобело

Би можело да ве интересира:

4 трикови со кои вашиот тоалет ќе блеска за кратко време и малку пари Нема потреба да давате пари на скапи средства... Со лимон, алкохолен оцет, сода ...
Трикови кои ќе ве спасат во различни ситуации, а сè што ви е потребно ... Најголем дел од нас, се научени да ги користат предметите само за нивната примар...
Корисни трикови за облека и чевли, заради кои животот ќе ви стане поле... Веројатно и вие паничите кога ќе забележите дамка на некое омилено парче облека ...