Природно средство за чистење на одводот кое можете да го направите сами

Ако одводот не е сосема проточен и водата од мијалникот оди побавно, не мора веднаш да посегнувате по средства за чистење полни со хемикалии.

Ако сепак во одводот завршиле работи кои не требало, постои природен начин да го исчистите одводот, и тоа со помош на средство кое лесно можете да си го направите дома.

Со ова средство можете да го чистите одводот и во кујната, и во тоалетот, а бидејќи е сосема природно, слободно користете го еднаш неделно.

Потребни состојки:

• ¼ шолја сода бикарбона
• ¼ шолја сол
• ¼ шолја прашок за печиво
• 2 шолји зовриена вода

Подготовка:

Ставете ракавици и со кујнска крпа добро исчистете го делот околу одводот во мијалникот.

Во сад измешајте сода бикарбона, сол и прашок за печиво. Комбинацијата од сода бикарбона и сол делува против тврдокорните наслаги во одводот, додека прашокот за печиво го чисти железото.

Половина од смесата истурете во одводот. Потоа, истурете ја зовриената вода и оставете сето ова да делува околу 1 час.

На крај, исплакнете со ладна вода. Во смесата можете да додадете и малку вински оцет. 

М. В. | Црнобело