Секојдневни кујнски уреди кои ги користите неправилно

Честопати дознаваме дека некои работи кои цел живот ги правиме на еден начин, е всушност тој погрешниот.

Па така, многумина погрешно ги користат кујнските уреди и препарати при начинот на подготовка храна, или пак при миењето садови во машина.

Понекогаш дури и си го комплицираме животот користејќи го потешкиот начин, бидејќи не сме свесни за алтернативниот и подобар.

Погледнете кои работи ги правите погрешно:

Погрешно ја полните машината за садови

Многумина чиниите ги редат една пред друга, заради што често не се совршено измиени.

Затоа, научниците направиле шема за идеален распоред на садовите во машината.

• Поставете ги чиниите во круг, бидејќи така водата циркулира.
• Во центарот подобро ставете чинии со остатоци од храна со јаглехидрати, како тестенини.
• Од страните ставете ги чиниите со храна со протеин (месо).

Неправилно ја загревате храната во микробранова

Можеби сте забележале дека во микробранова, храната најмногу се загрева од страните, а во средината е поладна.

Токму затоа е подобро храната да ја ставите од страните, а во средината да остане дупка за да може да се загрее еднакво.

Погрешно го користите ножот со врв како виљушка

Овој нож се наоѓа во многу домаќинства но многумина не знаат која е неговата цел.

Тој е првично создаден за сечење кашкавал, а истовремено со врвот да се одвојуваат парчињата.

Се користи и за сечење овошје и зеленчук со нежна и еластична лушпа.

Не го матите шлагот правилно

Искусните домаќинки предупредуваат дека ако не го подготвите миксерот, шлагот може да не биде толку добар.

Доволно е да ги изладите маталките и садот во фрижидер, а потоа таму да ја матите смесата која што на тој начин ќе биде помека.

Не ги користите опциите на тостерот за печење лепчиња

Многумина овој уред го поставуваат само еднаш и потоа не менуваат ништо.

Но сепак на многу од нив постои опција да се менува во зависност од дебелината на лебот и начинот на печење.

Го контролирате автоматското подготвување храна

Кога ги користите уредите кои се наменети за сами да ја подготват храната, како што е пекачот за леб, треба да се опуштите и да оставите тие да си ја завршат работата.

Ако постојано проверувате до каде е јадењето и ги отворате, го расипувате крајниот резултат со менувањето на температурата.

Некој го смислил тоа да работи само и времето на подготовка е пресметано, па само треба да чекате да заврши.

Не ги користите функциите на сите лажици за шпагети

Лажицата за шпагети помага лесно да ги земете тенките стапчиња, а дупката претставува и мерка за просечна порција шпагети пред да ги ставите во тенџерето.

Си ја комплицирате работата со пресата за лук

Многумина уште го чистат лукот пред да го стават во преса. Сепак, лушпите нема да паднат во јадењето и ако не ги исчистите претходно.

М. М. | Црнобело