Водич во 5 чекори: Како да престанете да пакувате работи кои никогаш не ги облекувате?

Секое патување е иста приказна – куферот е претежок и преполн, а лошото планирање на бои и принтови ве остава облечени во една иста комбинација со денови. Притоа, остатокот од облеката само ја шетате.

За да научите да се пакувате „лесно“, а секогаш да имате што да облечете, независно од пригодата, мора да почитувате неколку правила:

1. Палетата на бои мора да биде соодветна на годишното време.

2. Исто така, во куферот не би требало да имате повеќе од 2-3 бои.

3. Бројот на основни парчиња облека треба да се движи од 5 до 8. Не смее да имате повеќе од 12 парчиња, вклучувајќи ги и аксесоарите.

4. Основата на секое пакување треба да биде едно парче облека, евентуално две.

5-те чекори се следниве:

Одберете панталони и/или здолниште околу кое ќе ги изградите сите комбинации. Би требало да одговара со сите кошули и маици кои ќе ги земете.

Соодветно на панталоните и/или здолништето, одберете 2-3 блузи или кошули. Мора да бидат универзални.

Додадете 2-3 парчиња кои се ин оваа сезона.

Додадете уште 2-3 парчиња кои се соодветни за сезоната во која патувате, а ќе ви помогнат да создадете слоевита комбинација.

На крај, испланирајте ги аксесоарите – мора да бидат во светли бои кои одговараат на сè што претходно сте спакувале. Чанта, колан, чевли и марама се основните.

Типови на пакување:

Бизнис

Кежуал

Елегантно

М. Д. | Црнобело